باستا الخضار طريقة عمل الباستا بلصلصة البيضا

باستا الخضار | طريقة عمل الباستا بالصلصلة البيضا
السلام عليكم ..
مسائكمـ []

بما اني من محبين الاكلات الايطاليه ..
واي شي فيه جبن اعرفوا اني عندهـ ..
وعشقت شي اسمه باستـآ ..
واختي ماقصرت علمتني الطريقه وضمنت لي بطني قبل تسافر ..
وصرت اجربها اكثر من مرهـ لين ماصارت تضبط تقريبا معي
بس الاساس اختي يعني انا شخصيا احس احلى لما هي تسويهـ ...

عموما هذي احدى تجـآربي ..
باستا الخضار بالصلصة البيضاء ..

المقادير :



جميع انواع الخضـآر اللي عندك بالبيت .. < لوول
فليفله خضراء البارده ..
بروكلي او زهرة
قرنبيط
جزر
كوسى
( انا مستخدمه بعضها على حسب المتوفر عندك )

نص كيس مكرونه

> هذي مقادير الصلصلة البيضاء :


3 ملاعق [ أكل ] طحين
3 ملاعق [ أكل ] حليب نيدو مذاب في كأس ماء فاتر ..
1 علبة ( الحجم الصغير ) كريمة الخفق ..
4 -3 ملاعق [ أكل ] جبن كرفت > ممكن تزيدوا حسب الرغبة
فلفل اسود ..

الطريقه ..

نقطع الخضار بشكل طولي .. ( الفليفله والقرنبيط )
الجزر نقشره ونقطعه دوائر ..
والكوسى نقشره على خفيفه ونقطعه دوائر ..
اما البروكلي أو الزهرة عادي يعني تقطيعها صغير شوية ... باليد مش بسكين لوول

المهم ونسلق المكرونهـ في هذه الاثناء مع شوية زين وملح شوية < مين مايعرف لوول




وهي تنسلق بنكون احنا نجهز الخضار لما نخلص نصفي المكرونه
وبعدين نسوي الصلصلة البيضا ..




مانحطها ع النار .. اول شي نحط المقادير ونخلطها لما يذوب الطحين
بعدين نحطها ع النار عشان ماتتكثف
واحنا نخلط بالصلصلة نضيف الجبن السائل ...
وقبل النهاية لما تحسي بتكثف شوية مش كثير
ضيفي لها الفلفل الاسود
وطفي النار ..


الحين نجي نحط شوية زيت عشان نحمر الخضروات
ملاحظه ؛ لو حبيتي تعملي باستا بالدجاج نفس الشي بس انك تضيفي الدجاج مقطع مكعبات صغيرة ولما ينشف منه الماي تضيفي الزيت وتحمري الخضروات معه وهكذا ...
ونحطها كلها ..
ونقلب فيها لما تتحمر شوية ونغطيها




وبعدين

نضيف المكرونه ..
ونقلب ...




ونجيب الصلصله ونقلب ..


بعد مانضيفها نحط عليها الزعتر البري (الاريغيانو ) + جبن الموزاريلا + صلصلة الصويا < رشتين بس

ونقلب لما تخلط كلها ونغطي شوي عشان الجبن يستوي ويذوب
وبس تقدمـ وحلاتها تنأكل وهيا لسه حـآره توها مستويه يعني ..







بالنسبه لرأي ابوي > ماتعجبه لا شكلا ولا طعما ويقول مايحطم
امي > تعجبها عشان كذا احاول ماسويها على دجاج عشان تاكل معنا
انا > اكيد احبها وتبقى لين يوم ثاني اتغدى ولا اتعشى فيها < على قولةوبس صحتين وهنـآ ... الوالد
اللي يطبخ طبخة لازم ياكلها تطيح بدبتي يعني لوولز


يـآرب تعجبكم ..
سي يو

مشكوره يسلمو على الباستا يا نائبة

مشكورة تسلميـــــــــــــــــــن على الطبخة اللذيذة

انشاءلله اسويها اليوم

[b]مشكوررررررررررررررة ا ياعسل علي الموضوع الرائع

من جد طريقة الباستا صععععععععععبه

ليه اناو لطيفه نجمه وحده